पनवेल प्रतिनिधी – मनोज भिंगार्डे
पनवेलमधील खांदेश्वर रेल्वे स्थानकाजवळ एका नराधमाने कॉलेजला जाणाऱ्या विद्यार्थिनीला धावत्या लोकलमधून बाहेर फेकल्याची थरारक आणि संतापजनक घटना घडली आहे.
हार्बर रेल्वे मार्गावर प्रवास करणाऱ्या महिलांच्या सुरक्षेचा आणि रेल्वे सुरक्षा (Railway Safety) यंत्रणेचा प्रश्न या घटनेमुळे पुन्हा एकदा गंभीर झाला आहे. पनवेल येथे राहणारी एक विद्यार्थिनी आपल्या मैत्रिणीसोबत खारघर येथील महाविद्यालयात जाण्यासाठी सकाळी लोकलने निघाली होती. दरम्यान, लेडीज डब्यात अवैधपणे घुसलेल्या शेख अख्तर नवाज शेख या तरुणाला डब्यातील महिलांनी हटकले आणि त्याला डब्यातून बाहेर जाण्यास सांगितले. याच रागातून त्याने दरवाजाजवळ उभ्या असलेल्या श्वेता या तरुणीला धावत्या लोकलबाहेर ढकलून दिले.
या भीषण घटनेत श्वेता गंभीर जखमी झाली असून तिच्यावर कळंबोली येथील एमजीएम रुग्णालयात तातडीने उपचार करण्यात आले आहेत.
श्वेताला लोकलमधून फेकल्याचे पाहताच डब्यातील इतर महिलांनी प्रसंगावधान राखून आरडाओरड केली आणि लोकलची साखळी (Chain Pulling) खेचली. महिलांनी तातडीने रेल्वे हेल्पलाइन क्रमांकावर संपर्क साधून या घटनेची माहिती दिली. Railway Safety सुनिश्चित करण्यासाठी तैनात असलेल्या जीआरपी पोलिसांनी माहिती मिळताच खांदेश्वर स्थानकात सापळा रचला. लोकल स्थानकात येताच पोलिसांनी पळून जाण्याच्या प्रयत्नात असलेल्या आरोपी शेख अख्तर नवाज शेख याला अटक केली असून त्याच्यावर कठोर कलमान्वये गुन्हा दाखल करण्यात आला आहे.
पनवेल रेल्वे पोलीस या प्रकरणाचा अधिक तपास करत असून विद्यार्थिनीच्या प्रकृतीत आता सुधारणा होत आहे.
या हल्ल्यात श्वेताच्या डोक्याला, कंबरेला आणि हातापायांना गंभीर इजा झाली आहे. वरिष्ठ पोलीस निरीक्षक विजय तायडे यांनी दिलेल्या माहितीनुसार, आरोपीविरुद्ध कायदेशीर कारवाई सुरू आहे. मात्र, दिवसाढवळ्या घडलेल्या या प्रकारामुळे महिला प्रवाशांमध्ये भीतीचे वातावरण आहे. उपनगरीय रेल्वे गाड्यांमध्ये विशेषतः महिला डब्यात Railway Safety वाढवण्याची मागणी प्रवाशांकडून केली जात आहे. पोलीस प्रशासनाने स्थानकांवर आणि धावत्या गाड्यांमध्ये गस्त वाढवण्याचे आश्वासन दिले असून प्रवाशांनी सतर्क राहण्याचे आवाहन केले आहे.
