माणगाव (जि. रायगड) – माणगाव वाहतूक शाखेतील कर्तव्यदक्ष महिला पोलीस हवालदार सौ. विमल ठाकूर यांची नुकतीच सहाय्यक पोलीस उपनिरीक्षक (ASI) पदावर पदोन्नती झाली आहे. त्यांच्या या पदोन्नतीमुळे माणगाव परिसरासह संपूर्ण रायगड जिल्ह्यातून त्यांचे अभिनंदन केले जात आहे.
सौ. विमल ठाकूर यांनी गेली २९ वर्षे पोलीस खात्यात प्रामाणिक आणि निष्ठेने सेवा बजावली आहे. या काळात त्यांनी अनेकदा कठीण प्रसंगी धैर्याने काम करत लोकसेवेचे उदाहरण ठेवले. शांत, संयमी आणि नियमप्रिय अशी त्यांची ओळख आहे.
त्यांच्या पदोन्नतीची बातमी समजताच माणगाव पोलीस स्टेशन, वाहतूक शाखा तसेच स्थानिक नागरिक, सामाजिक कार्यकर्ते आणि विविध संघटनांकडून त्यांचे स्वागत व सत्कार करण्यात येत आहे. त्यांच्या या यशामुळे इतर महिला पोलीस कर्मचाऱ्यांनाही प्रेरणा मिळत आहे.
सौ. विमल ठाकूर यांचे पोलीस खात्यातील योगदान हे सर्वसामान्य जनतेच्या सुरक्षेसाठी महत्त्वाचे ठरले आहे. त्यांच्या पुढील कार्यासाठी माणगाववासीयांनी शुभेच्छा दिल्या असून, पोलीस खात्यात अधिक जबाबदारीने आणि यशस्वीपणे काम करावे, अशी अपेक्षा व्यक्त केली जात आहे.
