Shiv Sena Resignations Raigad
उरण प्रतिनिधी – विठ्ठल ममताबादे
रायगड जिल्ह्यात राजकीय भूकंप: उरणमधील शिवसेनेच्या अनेक पदाधिकाऱ्यांनी दिले सामूहिक राजीनामे.
रायगड जिल्ह्यातील उरण विधानसभा मतदारसंघात शिवसेना शिंदे गटात मोठी खळबळ उडाली आहे. (Shiv Sena Resignations Raigad) आमदार महेंद्र थोरवे यांच्या मनमानी आणि एकतर्फी कारभाराला कंटाळून उरण आणि पनवेल तालुक्यातील अनेक महत्त्वाच्या पदाधिकाऱ्यांनी आपले सामूहिक राजीनामे पक्षश्रेष्ठींकडे सुपूर्त केले आहेत. गेल्या अनेक वर्षांपासून प्रामाणिकपणे काम करणाऱ्या कार्यकर्त्यांना डावलल्याचा आरोप यावेळी करण्यात आला आहे.
प्रभारी जिल्हाप्रमुख नियुक्तीवरून वाद पेटला.
उरण विधानसभा क्षेत्रात कोणालाही विश्वासात न घेता विनोद साबळे यांची प्रभारी जिल्हाप्रमुख म्हणून नियुक्ती करण्यात आली. यामुळे गेल्या अनेक वर्षांपासून पक्षासाठी मेहनत घेणाऱ्या कार्यकर्त्यांमध्ये तीव्र नाराजी पसरली आहे. निष्ठावान जिल्हाप्रमुख अतुल भगत यांना पदावरून तडकाफडकी बाजूला केल्याने शिवसैनिक अधिकच आक्रमक झाले असून त्यांनी या कृतीचा निषेध केला आहे. (Shiv Sena Resignations Raigad)
उरण आणि पनवेल तालुका प्रमुखांचे राजीनामे.
उरण तालुका प्रमुख दीपक ठाकूर आणि पनवेल तालुका प्रमुख रघुनाथ पाटील यांनी आपले राजीनामे शिवसेना सचिव संजय मोरे यांच्याकडे सोपवले आहेत. आमदार थोरवे हे पक्षवाढीला विरोध करत असून कार्यकर्त्यांना त्रास देत असल्याचा गंभीर आरोप या पदाधिकाऱ्यांनी केला आहे. कोणत्याही पदाचा स्वार्थ न बाळगता काम करणाऱ्या कार्यकर्त्यांवर अन्याय होत असल्याचे यावेळी सांगण्यात आले. (Shiv Sena Resignations Raigad)
आगामी निवडणुकांवर होणार परिणाम.
आगामी स्थानिक स्वराज्य संस्थांच्या निवडणुका जवळ येत असतानाच हा मोठा धक्का पक्षाला बसला आहे. निष्ठावान कार्यकर्त्यांवर होत असलेल्या अन्यायामुळे आणखी अनेक पदाधिकारी राजीनामा देण्याच्या तयारीत आहेत. या राजकीय भूकंपामुळे उरण विधानसभा क्षेत्रात शिवसेनेची ताकद कमी होण्याची भीती व्यक्त केली जात आहे. आता पक्षश्रेष्ठी या प्रकरणावर काय तोडगा काढणार, याकडे सर्वांचे लक्ष लागले आहे.
(Shiv Sena Resignations Raigad)
